喺新冠肺炎疫情下，TVB嘅網上綜藝節目《疫境廚神》幾受網民歡迎，主持黎諾懿為咗節目都喺屋企拍咗唔少煮餸片。黎諾懿似乎咩都識整，無論係甜品定飯菜都難佢唔到，例如整過梳乎厘、喇沙、海膽飯、炒貴刁等，全部都有板有眼。
(黎諾懿instagram圖片)
老友馬國明忍唔住留言：「最接近神嘅男人」但黎諾懿就抵死食字留言，暗示佢同湯洛雯好幸福：「冇你咁好命，我要自己煮，你有湯飲。」得到唔少網民讚好。
(黎諾懿instagram截圖)
除咗努力做節目直播，賺錢養家，黎諾懿喺其餘時間就會陪囝囝「小春雞」黎峰睿玩。雖然「小春雞」只係得3歲，但已經識得25個中文字。見到囝囝咁醒目，黎諾懿於是增加難度，教埋佢落手落腳整麵包。喺黎諾懿口述指導下，「小春雞」拎起麵粉、水等，先用打蛋器將佢哋撈勻，再拎住個碗去廚房擺入焗爐，似模似樣。網民大讚「小春雞」叻仔，黎諾懿都稱呼佢做「我的小小麵包師」。
(黎諾懿instagram短片截圖)
喺呢兩條整麵包片裡面，有網民就留意到黎諾懿間屋個客廳又大又靚。其實唔止今次，黎諾懿同老婆李潔瑩不時喺社交平台上載在家生活點滴，都間接曝光咗佢哋間頂層複式豪宅連天台嘅內貌！
平時黎諾懿會喺40呎長嘅大廳同「小春雞」上堂，教佢學生字、整麵包。
(黎諾懿instagram圖片)
一推開大廳嘅落地大玻璃門，就會行咗出去大露台，維港海景即時映入眼簾，景致相當遼闊。
(黎諾懿instagram圖片)
入返室內，廳中間有張巨型圓形飯枱，可以畀10個人同時食飯都冇問題。
(黎諾懿instagram圖片)
飯枱後面有個開放式嘅細廚房，黎諾懿成日喺度同「小春雞」整甜品。細廚房隔籬再有個大廚房，係黎諾懿直播節目嘅地方。
▼細廚房喺梳化同飯枱後面
(黎諾懿instagram圖片)
(黎諾懿instagram圖片)
▼大廚房
(黎諾懿instagram圖片)
佢哋間豪宅樓底高20呎，仲有樓梯通往上層。天台會見到大大小小嘅盆栽，原來黎諾懿種咗番茄、辣椒、檸檬等，實行過自給自足嘅生活。黎諾懿會喺空閒時教「小春雞」上自然教育課，例如教佢幫植物淋水、收成菜苗。
(黎諾懿instagram圖片)
另外黎諾懿喺天台仲放咗個微型充氣池畀「小春雞」玩，十足十成個私人水上樂園。
(黎諾懿instagram圖片)
▼仲有主人房、BB房
(黎諾懿instagram圖片)
(黎諾懿instagram圖片)
黎諾懿喺童年時因為家境清貧，曾經住過公屋，後來加入TVB，憑《愛回家》中「馬壯」一角成功入屋，自始工作不斷接踵而來。2014年，黎諾懿同家底豐厚嘅落選港姐李潔瑩拉埋天窗，被外界稱為「五億駙馬」。婚後，二人租住700呎西貢村屋，有傳當時外家擔心黎諾懿生計，所以買入4千萬何文田豪宅作為結婚禮物送畀佢哋。
撰文：張芷晴
責任編輯：楊安莉
July 31, 2020 at 02:10PM
https://ift.tt/3fgPH5t
【疫境廚神】黎諾懿教3歲仔整麵包有板有眼客廳望維港海景複式豪宅全面睇- 晴報- 娛樂- 中港台 - 晴報 Sky Post
https://ift.tt/2CnYK6V
No comments:
Post a Comment